(ก) กาโย กายายตนนฺติ?

กายายตนํ ฐเปตฺวา อวเสโส กาโย, น กายายตนํฯ กายายตนํ กาโย เจว กายายตนญฺจฯ

(ข) กายายตนํ กาโยติ? อามนฺตาฯ

(ก) รูปํ รูปายตนนฺติ?

รูปายตนํ ฐเปตฺวา อวเสสํ รูปํ, น รูปายตนํฯ รูปายตนํ รูปญฺเจว รูปายตนญฺจฯ

(ข) รูปายตนํ รูปนฺติ? อามนฺตาฯ

(ก) สทฺโท สทฺทายตนนฺติ? อามนฺตาฯ

(ข) สทฺทายตนํ สทฺโทติ? อามนฺตาฯ

(ก) คนฺโธ คนฺธายตนนฺติ?

สีลคนฺโธ สมาธิคนฺโธ ปญฺญาคนฺโธ คนฺโธ, น คนฺธายตนํฯ คนฺธายตนํ คนฺโธ เจว คนฺธายตนญฺจฯ

(ข) คนฺธายตนํ คนฺโธติ? อามนฺตาฯ

(ก) รโส รสายตนนฺติ?

อตฺถรโส ธมฺมรโส วิมุตฺติรโส รโส, น รสายตนํฯ รสายตนํ รโส เจว รสายตนญฺจฯ

(ข) รสายตนํ รโสติ? อามนฺตาฯ

(ก) โผฏฺฐพฺโพ โผฏฺฐพฺพายตนนฺติ? อามนฺตาฯ

(ข) โผฏฺฐพฺพายตนํ โผฏฺฐพฺโพติ? อามนฺตาฯ

(ก) มโน มนายตนนฺติ? อามนฺตาฯ

(ข) มนายตนํ มโนติ? อามนฺตาฯ

(ก) ธมฺโม ธมฺมายตนนฺติ?

ธมฺมายตนํ ฐเปตฺวา อวเสโส ธมฺโม, น ธมฺมายตนํฯ ธมฺมายตนํ ธมฺโม เจว ธมฺมายตนญฺจฯ

(ข) ธมฺมายตนํ ธมฺโมติ? อามนฺตาฯ

(ข) ปจฺจนีกํ

[11] (ก) น จกฺขุ น จกฺขายตนนฺติ? อามนฺตาฯ

(ข) น จกฺขายตนํ น จกฺขูติ?

ทิพฺพจกฺขุ ปญฺญาจกฺขุ น จกฺขายตนํ, จกฺขุฯ จกฺขุญฺจ จกฺขายตนญฺจ ฐเปตฺวา อวเสสํ [อวเสสา (สฺยา. ปี.)] น เจว จกฺขุ น จ จกฺขายตนํฯ

(ก) น โสตํ น โสตายตนนฺติ? อามนฺตาฯ

(ข) น โสตายตนํ น โสตนฺติ?

ทิพฺพโสตํ ตณฺหาโสตํ น โสตายตนํ, โสตํฯ โสตญฺจ โสตายตนญฺจ ฐเปตฺวา อวเสสํ น เจว โสตํ น จ โสตายตนํฯ

(ก) น ฆานํ น ฆานายตนนฺติ? อามนฺตาฯ

(ข) น ฆานายตนํ น ฆานนฺติ? อามนฺตาฯ

(ก) น ชิวฺหา น ชิวฺหายตนนฺติ? อามนฺตาฯ

(ข) น ชิวฺหายตนํ น ชิวฺหาติ? อามนฺตา ฯ

(ก) น กาโย น กายายตนนฺติ? อามนฺตาฯ

(ข) น กายายตนํ น กาโยติ?

กายายตนํ ฐเปตฺวา อวเสโส น กายายตนํ, กาโยฯ กายญฺจ กายายตนญฺจ ฐเปตฺวา อวเสสํ [อวเสโส (สฺยา.)] น เจว กาโย น จ กายายตนํฯ

(ก) น รูปํ น รูปายตนนฺติ? อามนฺตาฯ

(ข) น รูปายตนํ น รูปนฺติ?

รูปายตนํ ฐเปตฺวา อวเสสํ น รูปายตนํ, รูปํฯ รูปญฺจ รูปายตนญฺจ ฐเปตฺวา อวเสสํ น เจว รูปํ น จ รูปายตนํฯ

(ก) น สทฺโท น สทฺทายตนนฺติ? อามนฺตาฯ

(ข) น สทฺทายตนํ น สทฺโทติ? อามนฺตาฯ

(ก) น คนฺโธ น คนฺธายตนนฺติ? อามนฺตาฯ

(ข) น คนฺธายตนํ น คนฺโธติ?

สีลคนฺโธ สมาธิคนฺโธ ปญฺญาคนฺโธ น คนฺธายตนํ, คนฺโธฯ คนฺธญฺจ คนฺธายตนญฺจ ฐเปตฺวา อวเสสํ [อวเสสา (สฺยา.)] น เจว คนฺโธ น จ คนฺธายตนํฯ

(ก) น รโส น รสายตนนฺติ? อามนฺตาฯ

(ข) น รสายตนํ น รโสติ?

อตฺถรโส ธมฺมรโส วิมุตฺติรโส น รสายตนํ, รโสฯ รสญฺจ รสายตนญฺจ ฐเปตฺวา อวเสสํ น เจว รโส น จ รสายตนํฯ

(ก) น โผฏฺฐพฺโพ น โผฏฺฐพฺพายตนนฺติ? อามนฺตาฯ

(ข) น โผฏฺฐพฺพายตนํ น โผฏฺฐพฺโพติ? อามนฺตาฯ

(ก) น มโน น มนายตนนฺติ? อามนฺตาฯ

(ข) น มนายตนํ น มโนติ? อามนฺตาฯ

(ก) น ธมฺโม น ธมฺมายตนนฺติ? อามนฺตาฯ

(ข) น ธมฺมายตนํ น ธมฺโมติ?

ธมฺมายตนํ ฐเปตฺวา อวเสโส น ธมฺมายตนํ, ธมฺโมฯ ธมฺมญฺจ ธมฺมายตนญฺจ ฐเปตฺวา อวเสสํ น เจว ธมฺโม น จ ธมฺมายตนํฯ

2. ปทโสธนมูลจกฺกวาโร